Ajoyib yangilik: O'zbekiston Parij Olimpiadasi uchun navbatdagi licenziyani qo'lga kiritdi

Hamyurtimiz Ispaniyada o'tgan nufuzli “Valencia Marathon Trinidad Alfonso” musobaqasidagi natijasi orqali 4 yillikning eng nufuzli musobaqasida ishtirok etish imkoniyatiga ega bo'ldi.

Davlatov mazkur turnirda 2:07:02 (2 soat, 7 daqiqa, 2 soniya) natija qayd etdi. Bu Parij-2024 Olimpiadasi uchun qo'yilgan talabdan 1 daqiqa, 8 soniya yaxshiroq natija. SHuningdek, SHohruh ushbu ko'rsatkich bilan 38 yil avval o'rnatilgan milliy rekordni (2:13:28) ham yangilashga muvaffaq bo'ldi. Valensiyadagi nufuzli musobaqada Davlatov umumiy hisobda 19-o'rinni egallagan.

SHuni alohida takidlash o'rinliki, surxondaryolik atletimiz ushbu natijaga erishish uchun so'nggi ikki yil ichida bir necha oy dunyoning eng kuchli marafonchilari etishib chiqqan Keniyada o'quv-mashg'ulot yig'inlarida ishtirok etdi. Bu O'zbekiston delegaciyasining Parij-2024 Olimpiadasiga qo'lga kiritgan 15-yo'llanmasi.