08 avg 08:02
Yangiliklar

Eshkak eshish

Akademik eshkak eshish. Bugun CHexiyada jahon chempionati boshlanadi

Bugun CHexiyaning Rechice shahrida akademik eshkak eshish bo'yicha yoshlar o'rtasidagi jahon chempionati start oladi.

Ushbu jahon chempionatida 58ta mamlakatdan tashrif buyurgan sportchilar ishtirok etishadi. Bugun start oladigan bellashuvlarda yurtimiz sharafini Davrjon Davronov va Evgeniy Agofonovlar himoya qilishadi. Sportchilarimiz murabbiy Tolib Isaboev qo'l ostida bahslarga chiqishadi.

Qayd etib o'tish lozimki, har ikkala sportchimiz ham oktyabr oyida Argentinada bo'lib o'tadigan III yozgi o'smirlar Olimpiya o'yinlarida ishtirok etadilar. Mazkur jahon chempionati eshkak eshuvchilarimiz uchun «kichik Olimpiada»ga o'ziga xos tayyorgarlik vazifasini ham bajaradi.

Bahslar 13 avgustga qadar davom etadi.