Akademik eshkak eshuvchilarimiz Koreyadagi qita birinchiligini muvaffaqiyatli yakunlashdi

Musobaqaning so'nggi kun bahslarida bir qator ekipajlarimiz sovrindorlar qatoridan joy olishdi.

Jumladan, M4x qayig'idagi kvartetimiz marra chizig'ini birinchi bo'lib kesib o'tdi va qitada tengsiz ekanligini namoyish qildi. SHuningdek, MS-2 yo'nalishida Alisher Turdiev hamda Sardor To'lqinxo'jaev kumush medal bilan taqdirlangan bo'lsa, engil vaznli qayiqda kechgan yakkalik poygasida Sobir Safaraliev ham jamoamiz hisobiga yana bir kumush medalni taqdim qildi.

Kvartetda Osiyo chempionligini qo'lga kiritgan vakillarimiz tarkibi quyidagicha: Davrjon Davronov, Abdullo Muhammadaliev, Mehroj Mamatqulov, SHahboz Xolmurzaev. 

Musobaqa doirasida kechgan para-atletlar o'rtasidagi mikst yo'nalishida yurtdoshlarimiz ham delegaciyamiz g'aznasiga oltin medalni qo'shib qo'yishgan. SHu tariqa para-atletlarimiz bilan hisoblaganda O'zbekiston terma jamoasi Osiyo chempionatini 3 ta oltin va 4 ta kumush medallari bilan yakunladi.