Akademik eshkak eshuvchilarimiz Osiyo chempionatida g'alaba qozonishdi

Quvonarlisi, ayni paytgacha o'tkazilgan bahslar yakuniga ko'ra terma jamoamiz vakillari bir nechta yo'nalishlarda oltin medallarni terma jamoamiz hisobiga qo'shib qo'yishdi.

Murosasiz kechgan eshkak eshish bahslarida LM4X va M8 yo'nalishlarida erkaklar ekipajlarimiz qitada tengsiz ekanliklarini isbotlashdi. SHuningdek, Rio Olimpiadasi ishtirokchisi SHahboz Xolmurzaev og'ir vaznli qayiqda yakkalik bahslarda yurtimiz sharafini munosib himoya qilib, yakunda kumush medal bilan taqdirlandi.

Malumot uchun, terma jamoamiz barcha medallarni 2000 metr masofaga suzish bahslarida qo'lga kiritdi. LM4X tarkibi: SHehroz Hakimov, Sobir Safaraliev, Evgeniy Agafonov, SHahzod Nurmatov. M8 tarkibi (boshqaruvchisi bilan): Dostonjon Hursanov, O'ktamjon Davronov, Zafar Usmonov, SHohjahon Najmiev, Otamurod Rahimov, Dostonjon Bahriev, Anatoliy Krasnov, Alisher Turdiev, Sardor To'lqinxo'jaev.

Eslatib o'tamiz, o'tgan yili Janubiy Koreyaning CHungju shahrida bo'lib o'tgan akademik eshkak eshish bo'yicha yoshlar o'rtasida Osiyo chempionati va kattalar o'rtasida Osiyo Kubogi musobaqasida vakillarimiz umumiy hisobda 7ta oltin, 2ta kumush va 3ta bronza medalini qo'lga kiritishgan edi.