“Al SHabab”da ilk mag'lubiyat, Haydarov bir bo'lim o'ynadi

Terma jamoamiz yarim himoyachisi Aziz Haydarov to'p tepayotgan “Al SHabab” klubi safarda OCHL-2016 finalchisi bo'lib turgan “Al Ayn” mehmoni bo'lib, alamli mag'lubiyatni qabul qilib oldi.

Uchrashuvda “Al Ayn” 2:1 hisobidagi qiyin g'alabani qo'lga kiritdi. Dastlab  54-daqiqada Kayo maydon egalarini hisobda oldinga olib chiqdi. 77-daqiqada “Al SHabab” futbolchisi Hassan Ibrohim maydondan chetlatildi.

SHunga qaramay, bir kishi kam bo'lib qolgan mehmonlar 81-daqiqada Rashid Hassanning goli evaziga muvozanatni tiklashdi. Lekin hakam tomonidan asosiy vaqtga qo'shib berilgan daqiqada Diaki Ibraxim “Al Ayn”ga g'alaba keltirgan golni kiritdi.

Uchrashuvni boshlang'ich tarkibda boshlagan hamyurtimiz Aziz Haydarov maydonda bir bo'lim harakat qildi. Bu “Al SHabab”ning chempionatdagi ilk mag'lubiyati bo'ldi. Dubayliklar 13 ochko bilan 4-pog'onadan joy olishgan.