Alaba "Real"ga o'tmasligi mumkin, u Ramosdan ko'p maosh olmoqchi

Bitim 28 yoshli avstriyalik futbolchining yuqori moliyaviy talablari sabab amalga oshmasligi mumkin. Alaba "qirollik klubi"da yiliga 13 million evro maosh olmoqchi. Bu esa jamoa sardori Serxio Ramosning olayotgani maoshidan 1 million ko'p.

"Real" rahbariyati futbolchiga bunday maoshni to'lashga tayyor emas. Ispan klubi 10 million evrodan ko'p bo'lmagan mablag' taklif qilishi mumkin.

Davidning "Bavariya" bilan tuzgan shartnomasi 2020/21 yilgi mavsumning so'nggiga qadar mo'ljallangan. David "Bavariya" bilan shartnomani uzaytirmadi va u o'zining La Ligada o'ynash orzuini amalga oshirmoqchi.