03 avg 15:29
Yangiliklar

Tennis

Albina Germaniyadagi turnirda yarim finalga chiqdi

Germaniyaning Bed Saulgau shahrida tennis bo'yicha "Fyuchers" turkumiga kiruvchi turnir davom etmoqda.

Sovrin jamg'armasi 25 000 AQSH dollarini tashkil qiluvchi musobaqada hamyurtimiz Albina Xabibulina ham ishtirok etyapti. Tajribali tennischimiz yakkalikning saralash bahslarida italiyalik raqibasiga yutqazib qo'ygan edi.

Hozirda Xabibulina bor etiborini juftlik musobaqasiga qaratgan. Belgiyalik Xelene Skolsen bilan uchinchi raqamli juftlikni hosil qilgan Albina bugun final chiptasi uchun kortga chiqadi.

Albina va Xelene chorak final uchrashuvda germaniyalik tennischilar Rebeka Kern hamda Karmen SHultxeys tandemini 6:2, 6:2 hisobida taslim etishdi. Bugun ular yarim finalda turnirning birinchi raqamli juftligi - vengriyalik Anna Bondar va ruminiyalik Jakyulin Adina Kristianga qarshi bahs olib borishadi.