04 avg 12:41
Yangiliklar

Tennis

Albina Germaniyadagi turnirning finaliga chiqdi

Germaniyaning Bed Saulgau shahrida tennis bo'yicha "Fyuchers" turkumiga kiruvchi turnir davom etmoqda.

Sovrin jamg'armasi 25 000 AQSH dollarini tashkil qiluvchi musobaqada hamyurtimiz Albina Xabibulina ham ishtirok etyapti. Tajribali tennischimiz yakkalikning saralash bahslarida italiyalik raqibasiga yutqazib qo'ygan edi.

Hozirda Xabibulina bor etiborini juftlik musobaqasiga qaratgan. Belgiyalik Xelene Skolsen bilan uchinchi raqamli juftlikni hosil qilgan Albina final yo'llanmasini qo'lga kiritdi.

Albina va Xelene yarim finalada turnirning birinchi raqamli juftligi - vengriyalik Anna Bondar va ruminiyalik Jakyulin Adina Kristianni 6:2, 4:6, tay-brekda 10:6 hisobida taslim etishdi. Endi ular bosh sovrin uchun bahsda AQSH vakilasi CHiara SHol va xorvatiyalik Lea Boshkovich juftligiga qarshi kortga chiqishadi.