05 avg 18:44
Yangiliklar

Tennis

Albina Xabibulina Germaniyada bosh sovringa ega chiqdi

Germaniyaning Bed Saulgau shahrida o'tkazilayotgan tennis bo'yicha “Fyuchers” turkumiga kiruvchi turnir o'z yakuni sari yaqinlashmoqda.

Sovrin jamg'armasi 25 000 AQSH dollarini tashkil qiluvchi musobaqada hamyurtimiz Albina Xabibulina ham muvaffaqiyatli ishtirok etdi. Tajribali tennischimiz belgiyalik Xelene Skolsen bilan uchinchi raqamli juftlikni hosil qilgandi.

Hozirgina Albina va Xelene bosh sovrin uchun bahsda AQSH vakilasi CHiara SHol va xorvatiyalik Lea Boshkovich juftligiga qarshi kortga chiqishdi. Bir soatu 7 daqiqa davom etgan uchrashuvda ular 6:4, 6:2 hisobida zafar quchib, bosh sovrin sohibalariga aylanishdi.