Aleks Fergyuson Ronalduni yig'latgani haqida bilarmidingiz?

MYU klubi sobiq futbolchisi Rio Ferdinand Ser Aleks Fergyuson qay tarzda Krishtianu Ronalduni yig'lashga majbur qilgani haqida so'zlab berdi.

"Biz Portugaliyada bir necha o'yinlar o'tkazgandik. Krishtianu esa unchalik ham yaxshi harakat qilmayotganda, chunki u yosh edi, unda xohish keragidan oshib ketgandi.

Esimda, "Benfika" bilan o'ynagandik. Murabbiy esa Ronalduga tashlandi: "Sen o'zingdan kimni yasab olding? Sen bu erga kelib olib, hammaga o'zingni super yulduz ekaningni isbotlashga harakat qilyapsanmi? Faqat sening hayolingda shunday, xolos".

Ronaldu esa bu so'zlardan so'ng kiyinish xonasida uzoq vaqt yig'lab o'tirgandi. Men unga qarata: "Bu murabbiyga farqi yo'q, yigitcha. Unga seni kimliging baribir", - dedim.

Hozir Ronaldu qanday o'yinchi bo'lganiga bir qarang. Bunday holatlar unga kerak edi. Fergyuson Ronaldu bilan yumshoq va yaxshi muomalada bo'lishni ham bilardi, ammo bazi paytlarda yuqoridagi kabi qattiq munosabat ham zarur edi. Ronaldu jamoadan ketayotgandagi darajasiga chiqishi uchun shu kabi holatlar foyda bergan, yani dunyoning eng zo'r o'yinchi darajasiga", - dedi Rio Ferdinand.