Alisher Sadullaev shaxmat Olimpiadasidagi maqsadimiz va 2026 yilgi mezbonlik haqida gapirdi

Sportchilarimizni qo'llab-quvvatlash hamda FIDE yig'ilishida taqdimot qilish maqsadida O'zbekiston shaxmat federaciyasi raisi Alisher Sadullaev ham CHennay shahriga etib keldi. 

Olimpiada o'tkazilayotgan manzilda shaxmatchilarimizning uchrashuvlarini hayajon bilan kuzatib o'tirgan Alisher Sadullaevning fikrlari bilan qiziqdik.  

"Maqsad ilk navbatda sportchilarimizni mana shunday katta musobaqa, shaxmat olamidagi nufuzli turnir - Butunjahon shaxmat Olimpiadasida qo'llab-quvvatlashdir. Terma jamoamiz azolari yosh bo'lishlariga qaramay, dunyodagi eng kuchli uch jamoa qatorida ketishmoqda. 

Malumot uchun, shuni aytib o'tishni istardimki, O'zbekiston so'nggi marotaba 1992 yili Manilada o'tkazilgan shaxmat Olimpiadasida sovrindorlar qatoriga kira olgan va kumush medalni qo'lga kiritgan. SHundan so'ng biz kuchli uchlikdan o'rin ololmaganmiz.

Lekin bir narsa bor - bugungi oltin avlod barchaning diqqatini o'ziga jalb etmoqda. Hindistonda ham O'zbekiston desa barcha taniyapti. Bunday holatni ilk bora ko'rib turibman. 

SHuningdek, yana bir muhim tadbirga tayyorgarlik ko'rmoqdamiz. Ertaga, 8 avgust kuni Xalqaro shaxmat federaciyasi (FIDE) ning katta yig'ilishi bo'ladi. Unda 2026 yilgi shaxmat Olimpiadasi mezboni kim bo'lishi haqidagi masalaga aniqlik kiritiladi. Bu borada O'zbekiston juda ko'p mehnat qildi. Bu bo'yicha prezident, hukumat tomonidan kafolat xati ham berildi. Endi oldimizdagi vazifa - biz chiroyli taqdimot o'tkazib, shaxmat olami delegaciyalarini ishontira olishimiz kerak. 2026 yilgi SHaxmat Olimpiadasini O'zbekistonda o'tkazishga qattiq bel bog'laganmiz. 

2026 yilgi Olimpiadani o'tkazish uchun O'zbekiston eng qulay, mehmonlar uchun qiziqarli joy ekanligini ko'rsatib berishimiz kerak. 

Bizning hisob-kitoblarimizga ko'ra, Toshkent shahri va Samarqand viloyatlari ushbu shaxmat Olimpiadasini o'tkazish uchun eng munosib davogarlardan hisoblanmoqda. Ertaga mana shu taqdimotimiz bo'lib o'tadi. 

Fursatdan foydalanib, yigit va qizlarimizga, ularning ota-onalariga minnatdorchilik bildirib qolaman. Biz jahon shaxmat olamida katta yo'lga chiqdik. Muntazam ravishda kuchli uchlik, beshlik, o'nlikda yurishimiz lozim. Faqat tepaga qarab yurishimiz kerak. Terma jamoamizning salohiyatini butun jahon ko'rmoqda. Barchasi o'z qo'limizda. 

Bugun Olimpiada peshqadami Armanistonga qarshi bahslar o'tkazilmoqda. O'ylaymanki, ushbu bahsda g'alaba qozonish uchun terma jamoamizning kuchi va salohiyati etadi", - dedi Alisher Sadullaev Olamsport.com sayti muxbiri bilan suhbatda. 

Aziz To'xtamurodov suhbatlashdi, CHennay.