23 sen 14:11
Yangiliklar

Tennis

Alkaraz Leyver Kubogida Evropa jamoasiga g'alaba keltirdi

Dunyoning uchinchi raketkasi Karlos Alkaraz ATP reytingida ettinchi o'rinni egallab turgan amerikalik Teylor Fritcni mag'lub etdi.

Leyver Kubogining uchinchi kunidan o'rin olgan ushbu uchrashuvda ispaniyalik tennischi 6/2, 7/5 hisobida zafar quchdi. Karlos tennischilarning o'zaro ikkinchi uchrashuvida ham raqibidan ustun keldi.

Roppa-rosa 90 daqiqa davom etgan bahsda Alkaraz 1, Fritc 7 ta eys zarbasini amalga oshirdi. Breyklar 4 ga 1 ko'rinishida Karlos, qo'shxatolar esa xuddi shu ko'rsatkichda Teylor foydasiga hal bo'ldi.

SHu tariqa, Evropa jamoasi jahon terma jamoasini umumiy 13:11 hisobida mag'lubiyatga uchratdi. Evropaliklar 2021 yildan beri ilk bor Leyver Kubogida zafar quchishdi.