02 okt 08:17
Yangiliklar

Tennis

Almati “CHellenjer”. Bugun Humoyun va Jo'rabek ham boshlashadi

Qozog'istonning Almati shahrida tennis bo'yicha “CHellenjer” turkumiga kiruvchi turnirning asosiy to'r bahslari davom etmoqda.

Sovrin jamg'armasi 50 000 AQSH dollarini tashkil qiluvchi ushbu turnirda hamyurtlarimiz - Denis Istomin, Jo'rabek Karimov va Humoyun Sultonov ham ishtirok etyapti. Musobaqaning birinchi raketkasi bo'lgan Istomin kecha ilk davrada portugaliyalik Frederiku Silvani 6:3, 7:5 hisobida mag'lub etdi.

Bugun esa istedodli tennischilarimiz birinchi bosqich bahsida kortga chiqishadi. Saralash turnirida uch nafar raqibini mag'lub etib asosiy to'rga etib kelgan Humoyun Sultonov misrlik Muhammad Safvatga qarshi bahs olib boradi. Imtiyozli yo'llanma asosida asosiy to'rga qo'yilgan Jo'rabek Karimov esa portugaliyalik Gonsalo Oliveyroga qarshi kortga chiqadi.