Alonso 2023 yilda "Aston Martin"ga o'tadi

"Formula-1"ning ikki karra chempioni 2022 yilgi mavsum oxirida faoliyatini yakunlaydigan Sebastyan Fettel o'rnini egallaydi. Jamoa ispaniyalik bilan ko'p yillik shartnoma imzolagani haqida xabar berdi.

“Fernando Alonso jamoaga 2023 yilda ko'p yillik shartnoma asosida qo'shilishini mamnuniyat bilan tasdiqlaydi. Butun kompaniya jamoaga Fernandoning ajoyib tajribasini, uning ajoyib tezligini va poyga mahoratini keltirishidan juda xursand. Fernando kabi istedodni jalb qilish Formula-1`da g'olib bo'ladigan jamoani yaratishga intilgan tashkilotning niyatining aniq ifodasidir", - deyiladi "Aston Martin" bayonotida.