Amaldagi BOSS Open chempioni yutqadi, uning raqibi 31 ta eys zarbasini amalga oshirdi

Musobaqaning amaldagi chempioni Frensis Tiafo 1/4 finalda mag'lubiyatga uchradi va o'z unvonini himoya qila olmadi. Natijada uning chempionning ochkolari kuyadi va yangilangan reytingda pastga tushadi. Hozirda dunyoning 28-raketkasi bo'lib turgan amerikalik tennischi 1/4 finalda ATP reytingida 40-pog'onada borayotgan britaniyalik Jek Dreyperga imkoniyatni boy berib qo'ydi - 7/5, 4/6, 6/7(1).

Jek tennischilarning o'zaro uchrashuvlaridagi hisob muvozanatini ham tiklab qo'ydi - 1:1. Ikki soatu 13 daqiqa davom etgan bahsda Dreyper oz emas, ko'p emas, 31 ta eys zarbasini amalga oshirdi. Tiafoda bu ko'rsatkich 12 tani tashkil qildi. Ikkala tennischi ham 3 tadan qo'shxatoga yo'l qo'yib, 1 tadan breykka erishishdi. Dreyper BOSS Open turnirining 1/2 finalida amerikalik Brendon Nakashimaga qarshi kortga chiqadi.