Amaldagi jahon chempioni mag'lubiyatga uchradi

Sovrin jamg'armasi 300 000 dollarni tashkil qiluvchi musobaqada dunyoning eng kuchli grossmeysterlari dona suryapti. Kecha ushbu musobaqada 8-partiya bahslari o'ynaldi.

Amaldagi jahon chempioni norvegiyalik Magnus Karlsen bu turda oq donalarda o'ynashiga qaramay, musobaqa peshqadami rossiyalik Yan Nepomnyashiyga imkoniyatni boy berib qo'ydi. Nepomnyashiy o'tgan turda sobiq jahon chempioni hindistonlik Vishi Anandni ham mag'lub etgandi.

8-tur natijalari: Karlsen – Nepomnyashiy 0-1, Nakamura – Karuana, Vashe-Lagrav – Anand, Adams – Aronyan, So – Karyakin partiyalarida durang qayd etildi.

8-turdan keyingi vaziyat: 1. Nepomnyashiy – 5,5; 2. Karuana – 5; 3. Vashe-Lagrav – 4,5; 4-7. Aronyan, Nakamura, Karlsen, So – 4; 8-10. Anand, Karyakin, Adams – 3.

9-tur juftliklari: Nepomnyashiy – Vashe-Lagrav, Karuana – Adams, Aronyan – Karlsen, Anand – So, Karyakin – Nakamura.