Amaldagi jahon chempionida nihoyat g'alaba

Sovrin jamg'armasi 300 000 dollarni tashkil qiluvchi musobaqada dunyoning eng kuchli grossmeysterlari dona suryapti. Kecha ushbu musobaqada 7-partiya bahslari o'ynaldi.

Nihoyat, amaldagi jahon chempioni norvegiyalik Magnus Karlsen bu turda g'alabaga erishdi. Karlsen angliyalik Maykl Adamsga qarshi oq donalarda harakat qilib, raqibidan ustun keldi.

7-tur natijalari. Nepomnyashiy – Anand 1-0, Karlsen – Adams 1-0, Karyakin – Vashe-Lagrav 0-1, Karuana – So, Aronyan – Nakamura partiyalarida durang qayd etildi.

7-turdan keyingi vaziyat. 1-2. Nepomnyashiy, Karuana – 4,5; 3-4. Karlsen, Vashe-Lagrav – 4; 5-7. Aronyan, Nakamura, So – 3,5; 8-10. Anand, Karyakin, Adams – 2,5.

8-tur juftliklari. Karlsen – Nepomnyashiy, Nakamura – Karuana, Vashe-Lagrav – Anand, Adams – Aronyan, So – Karyakin.