Andijonda “Otam, onam va men – sportchi oila” musobaqasi o'tkazildi FOTOGALEREYA

Jumladan, Andijonda “Otam, onam va men – sportchi oila” oilaviy jamoalar hamda viloyat hokimi kubogi uchun xotin-qizlar o'rtasida voleybol musobaqalari bo'lib o'tdi.

Tadbirda mamlakatimizda bolalar va oilaviy sportni rivojlantirish, xotin-qizlar va yoshlar o'rtasida sportning ommaviyligini oshirish, sog'lom turmush tarzini keng targ'ib etish masalalariga alohida etibor qaratilayotgani, shuningdek, o'tkazilayotgan mazkur musobaqalar sport bilan muntazam shug'ullanuvchi oilalar, xotin-qizlar safini kengaytirish, ularni qo'llab-quvvatlash va rag'batlantirishda muhim ahamiyat kasb etishi takidlandi.

“Otam, onam va men – sportchi oila” oilaviy jamoalar sport musobaqasi viloyatdagi 880 ta mahalla fuqarolar yig'inida o'tkazilib, 4 mingdan ziyod oilaviy jamoalar ishtirok etdi. Musobaqaning viloyat bosqichida tuman va shahar bosqichlarida g'olib bo'lgan jamoalar o'zaro bahslashdi.

Yakuniy natijalarga ko'ra, SHahrixon tumanidagi Qo'rg'oncha mahallasidan SHamsiddin Jalolov oilasi faxrli birinchi o'rinni qo'lga kiritdi. Paxtaobod tumani Soy mahallasida yashovchi Nasibjon Temirov oilasiga ikkinchi, Asaka tumani Mirzaobod mahallasidan Husniddin Pardadinov oilasiga uchinchi o'rin nasib etdi. G'olib va sovrindorlar diplom va esdalik sovg'alar bilan taqdirlandi.

Xotin-qizlar jamoalari o'rtasida viloyat hokimi kubogi uchun o'tkazilgan voleybol musobaqasida Bo'z tumani jamoasi birinchi o'rinni qo'lga kiritib, viloyat hokimi kubogi sohibiga aylandi. Marhamat tumani jamoasi ikkinchi, Asaka tumani jamoasi uchinchi o'ringa sazovor bo'ldi.

F.Ubaydullaev, Z.Umurzoqov (surat), O'zA