18 iyu 10:02
Yangiliklar

Boshqalar

Angren jamoasi g'olib bo'ldi

Namanganda O'zbekiston Respublikasi Mudofaasiga ko'maklashuvchi “Vatanparvar” tashkiloti respublika Markaziy kengashi tomonidan o'tkazilayotgan karting sporti bo'yicha O'zbekiston kubogi musobaqalarining ikkinchi bosqichi musobaqalari bo'lib o'tdi.

Uchqo'rg'on o'quv sport texnika klubining kartodromida bo'lib o'tgan musobaqalarda Toshkent, Sirdaryo, Buxoro, Farg'ona, Andijon, Surxondaryo, Qashqadaryo, Jizzax, Xorazm, Samarqand, Navoiy viloyatlari hamda Toshkent shahridan 16 jamoa Mikro, 125K, 125YU, Mini, KZ, 125M, KF, 250 kub.sm toifalarida g'oliblik uchun o'zaro bahslashdi.

SHaxsiy birinchilikda A.Hamroev, S.Akopyan, N.Saev (Toshkent shahri), A.Haydarov, K.Nadimov, V.Usheka (Angren), D.Sulaymonov (Buxoro), A.Egamberdiev (Namangan viloyati, Uychi tumani) lar g'olib bo'ldi.

Umumjamoa hisobida musobaqa shohsupasining eng yuqori pog'onasini Angren shahri avtomobil maktabi jamoasi egalladi. Ikkinchi o'rin poytaxtning Yashnobod tumani va uchinchi o'rin Namangan viloyatining Uychi tumani o'quv sport texnika klublariga nasib etdi.

G'olib va sovrindorlar diplom, medal hamda esdalik sovg'alari bilan taqdirlandi.