06 jan 09:39
Yangiliklar

Xokkey

AQSH - qatorasiga ikkinchi bor xokkey bo'yicha Jahon chempioni!

Biroz avval Kanadaning Ottava shahrida xokkey bo'yicha yoshlar o'rtasidagi jahon chempionati o'z yakuniga etdi.

"Canadian Tire Centre" arenada o'tgan hal qiluvchi final uchrashuvida AQSH va Finlyandiya terma jamoalari muzga chiqishdi. Asosiy vaqtda 3:3 hisobidagi jangovar durang natija qayd etildi.

Amerikaliklar safida Jeyms Xegens, Brendon Svoboda va Koul Xatson, finlar tarkibida Esse Kiiskinen, Tuomas Uronen hamda Emil Pieniniemi kiritilgan shaybalarga mualliflik qilishdi. Overtaymda esa Teddi Stigning oltin goli AQSHga qatorasiga ikkinchi bor jahon chempionligini taqdim etdi.

Final uchrashuvidan oldin jahon chempionatining bronza medali sohibini aniqlab bergan match bo'lib o'tdi. CHexiya va SHveciya terma jamoalari o'rtasidagi ushbu bahs ham final scenariysiga o'xshab ketdi. Asosiy vaqtda 2:2 hisobi qayd etildi. Overtaymda vaziyat o'zgarmadi. Bullitlar seriyasida omad chexlarga kulib boqdi.