AQSH tarkibida Olimpiada bronza medalini qo'lga kiritgan Gulruhbegimning natijalari qanday bo'ldi?

Agar amerikaliklar so'nggi turda qozog'istonlik dugonalarini mag'lub etishganida, kumush medallarga ega chiqishlari ham mumkin edi. Aynan so'nggi turda AQSH terma jamoasining birinchi taxtasida o'ynagan hamyurtimiz Gulruhbegim Tohirjonova eng yosh jahon chempioni Bibisara Assaubaevaga imkoniyatni boy berib qo'ydi. Yakunda AQSH va Qozog'iston 2:2 hisobidagi durangga imzo chekishdi. Bu esa Qozog'istonga kumush medallarni taqdim etdi. 

Umuman olganda, Tohirjonova 45-Butunjahon shaxmat Olimpiadasida qanday natija ko'rsatdi? U 11 ta turning 10 tasida ishtirok etdi. Faqat O'zbekistonga qarshi uchrashuvda vatanparvarligi sababidan o'ynamadi. Qolgan 10 ta uchrashuvda 3 g'alaba, 4 durang va 3 mag'lubiyat qayd etdi. Reytingda o'zidan yuqorida joylashgan hindistonlik Rameshbabu Vayshali, ukrainalik Yuliya Osmakni mag'lub etishga muvaffaq bo'ldi. Filippin, Kanada, Niderlandiya, SHveycariya terma jamoalari shaxmatchilari bilan durang o'ynadi. Bibisaradan tashqari, Mo'g'uliston va Armaniston terma jamoalari shaxmatchilariga yutqazib qo'ydi. 

"Bu AQSH terma jamoasining Olimpiadada 16 yil kutgan medali! SHu jamoa tarkibida men ham sovrindor bo'lganimdan xursandman", - deya quvonchini izhor qildi Tohirjonova.