Arman Carukyan Islam Maxachevni yo'q qilishga vada berdi

Arman bugungi g'alabali jangidan so'ng engil vaznda amaldagi UFC chempioni Islam Maxachevga qarshi jang qilishga va faoliyatining debyut jangidagi mag'lubiyat uchun undan ayovsiz revansh olish istagida ekanini aytdi. Aynan Maxachev Carukyanga UFC banneri ostida o'tkazgan ilk jangida "saboq" berib qo'ygandi.

"Endi men birinchi raqamli davogar bo'laman. Islam Maxachev bilan ilk jangimizda menga tayyorgarlik uchun uch haftagina vaqt bergandinglar. Agar sakkiz hafta vaqt taqdim etilsa, men Islamni yo'q qilaman. Bunga vada beraman", - dedi Carukyan.

SHuningdek, u bugungi matbuot anjumanida keyingi jangini 21 oktyabr kuni Abu-Dabi shahri mezbonlik qiladigan UFC 294 turnirida o'tkazmoqchi ekanini aytdi. 

"Agar Benil Dariush oktyabrgacha tayyor bo'lsa, unga qarshi bajonidil oktagonga chiqqaman. Tayyor bo'lmasa, u holda Maykl CHendlermi yoki Top-5`dagi istalgan raqib bilan jang qilaveraman. Katta ehtimol bilan Mayklning Konor Makgregorga qarshi jangi amalga oshmaydi. Men bu juftlikni almashtirishga ham tayyorman. Top-15`dagi eng yosh jangchi menman", - deya so'ziga yakun yasadi Arman.  

Eslatib o'tamiz. bugun Arman Carukyan co-main event jangida Xoakim Silvani uchinchi raundda texnik nokautga uchratgan edi.