Arman Carukyan navbatdagi jangida kimga qarshi oktagonga chiqish istagida ekanini aytdi

Carukyan belidagi jarohat sabab chempion Islam Maxachevga qarshi kechishi kerak bo'lgan jangga bir kun qolganda safdan chiqqandi. Maxachev UFC 311 turnirida Armanning o'rniga berilgan braziliyalik Renato Moykanini birinchi raundning o'zida bo'g'ib qo'ygan edi. Imkoniyatdan foydalana olmagan Carukyan endi saralash janglari orqali yana chempionlik jangi huquqini qo'lga kiritishga urinib ko'radi. Bu borada u jang qilishni istagan ikki raqib nomini aytdi. 

"Men diviziondagi istalgan raqib bilan jang qilishga tayyorman. CHunki ularning hammasini mag'lub eta olishimni bilaman va bunga ishonaman. Agar ular avval Maykl CHendlerni, keyin CHarlz Oliveyrani mag'lub etishimni istashsa, bunga bajonidil roziman. Baribir Islam yaqin orada qaytmaydi. U kamida olti oydan keyin kamarini himoya qilish uchun jang o'tkazadi. Bu holatda men Oliveyraga qarshi besh raundlik jang o'tkazishni xohlardim. Maykl CHendler ham chakki emas. Uning ham nomi bor va bu ko'p pul ishlab olishim uchun hizmat qiladi", - dedi Carukyan. 

Eslatib o'tamiz, UFC 311 turniridan keyin o'tkazilgan matbuot anjumanida tashkilot rahbari Dana Uayt engil vazn toifasi reytingida birinchi o'rinni egallab turgan Arman Carukyan imkoniyatidan foydalanib bo'lgani, yaqin orada unga chempionlik jangi berilmasligini aytgan edi.