Armrestling. Jahon chempionatining ikkinchi kuni 7 ta medal qo'lga kiritdik, shundan 4 tasi oltin! FOTOGALEREYA

Musobaqada dunyoning 54 davlatidan sportchilar jahon chempionati medallari uchun kurash olib bormoqda. Ular qatorida O'zbekiston terma jamoasi armrestlingchilari ham 4 noyabrga qadar davom etadigan jahon chempionatida o'z mahoratlarini namoyish etishyapti. 

Quvonarlisi, musobaqaning ikkinchi kuni ham yosh sportchilarimiz uchun omadli keldi. CHap qo'lda o'tkazilgan birinchi kungi bahslarda hamyurtlarimiz 5 ta medalga ega chiqishgan bo'lsa, kecha jahon chempionatining ikkinchi kuni o'ng qo'lda tashkil etilgan bellashuvlarda 4 ta oltin, 2 ta kumush, 1 ta bronza, jami 7 ta medal qo'lga kiritildi. 

Oltin medal

-45 kg: Zarnigor Abdurahimova

-50 kg: Iroda Qodirova

-60 kg: Nazokat Solieva  

-70 kg: Balabek Isrofilov

Kumush medal

-65 kg: Zuhra Xo'jaqulova

-65 kg: Saidmuhammadxon Ahmadxonov  

Bronza medal

-70 kg: Muhammadbobur Nematullaev

Malumot uchun, bugun jahon chempionatining uchinchi kunida kattalar o'rtasidagi bahslar boshlanadi.