Armrestling. Turkiyadagi jahon chempionatida 14ta medal qo'lga kiritildi, hozircha! FOTO

Yilning ushbu nufuzli musobaqasida 51ta davlatning 1200 nafardan ziyod qo'l sporti ustalari ishtirok etishyapti. Ular orasida 50 kishidan iborat O'zbekiston sport delegaciyasi ham jahon chempionati medallari uchun bahslarga kirishgan. Tarkibdan 45 nafar sportchimiz joy olgan. 

Jahon chempionatining ikki kunlik natijalariga ko'ra hamyurtlarimiz jami 14a medal qo'lga kiritishdi. SHulardan 2ta oltin, 7ta kumush, 5tasi bronza medalidir. 

Terma jamoamizga oltin medallarni yoshlar o'rtasida 65 kg vazn toifasidagi bahslarda Saidmuzammadxon Ahmadxonov, 70 kg vaznda esa Siroj Tursunov taqdim etdi. Musobaqaning birinchi kuni 4ta, ikkinchi kungi bahslarida esa 10ta medal qo'lga kiritildi. 

Zarnigor Abdurahmonova (45 kg, har ikki qo'lda 2ta kumush), Mardona Avazova (50 kg), Nazokat Solieva (60 kg), Zuhra Xo'jaqulova (65 kg), Samandar Ikromov (60 kg), Zohir Fayzullaev (55 kg) kumush medal bilan taqdirlanishdi. 

Hafiza Tohirova (65 kg), Bekzod Olimov (70 kg), Iroda Qodirova (55 kg), Bekzol Olimov (75 kg, o'ng qo'lda), SHohrux O'ktamov (70 kg) bronza medaliga sazovor bo'lishdi. Jahon chempionati 21 oktyabrga qadar davom etadi.