30 okt 10:55
Yangiliklar

Boshqalar

Armrestlingchilarimiz Jahon chempionatining ilk kunidayoq 5 ta medal qo'lga kiritishdi, shundan 3 tasi oltin!

Ruminiyaning Konstanta shahrida armrestling bo'yicha yoshlar va kattalar o'rtasida jahon chempionati bo'lib o'tmoqda.

Musobaqada dunyoning 54 davlatidan sportchilar ishtirok etmoqda. Yigirma ikki kishidan iborat O'zbekiston delegaciyasi armrestlingchilari ham 4 noyabrga qadar davom etadigan jahon chempionatida o'z imkoniyatlarini murabbiylar ko'rigidan o'tkazishadi.

Quvonarlisi, musobaqaning birinchi kungi bahslaridayoq hamyurtlarimiz 5 ta medalga ega chiqishdi. Yoshlar o'rtasida o'tkazilgan chap qo'l bellashularida Zarnigor Abdurahimova (-45 kg), Nazokat Solieva (-60 kg), Balabek Israfilov (-70 kg) jahon chempionatining oltin medalini qo'lga kiritdi.

Musobaqada -65 kg vazn toifasida yurtimiz sharafini himoya qilgan Zuhra Xo'jaqulova kumush, -60 kg vazndagi yurtdoshimiz Muhammadbobur Nematullaev bronza medallariga sazovor bo'lishdi.