Arteta "Bornmut"dan qabul qilingan mag'lubiyatdan keyin "Arsenal" muxlislariga murojaat qildi

"Kechirim so'rash, bunga rozi bo'lish va olg'a siljish — mana shuning o'zini ayta olaman hozir. Men klubga bor imkoniyatimni berishga, o'yinchilar uchun eng yaxshi sharoitlarni yaratishga harakat qilaman. Va men bilaman: agar stadionda atmosfera, muxlislar, qo'llab-quvvatlash va energiya dunyodagi eng yaxshisi bo'lsa, bizning g'alaba qozonish imkoniyatimiz ancha yuqori bo'ladi. Bunday qo'llab-quvvatlash bilan o'yinni yaxshilashning boshqa yo'li yo'q, deb o'ylayman. Lekin biz ham buning evaziga javob qaytarishimiz kerak. Birinchi taymda bizda bu ish bo'lgan paytlar ham bo'ldi, lekin o'zimizning darajamizga etmagan vaziyatlar ham bo'ldi. SHuning uchun muxlislardan kechirim so'rashishimiz va, albatta, o'zimizni yaxshilashimiz kerak", — dedi Arteta.

"Arsenal" 70 ochko to'plab, turnir jadvalida birinchi o'rinni egallab turibdi. Ikkinchi o'rinda "Manchester Siti" (61 ochko) bormoqda. Biroq "shaharliklar"ning zaxirasida ikkita o'yin bor.