26 sen 08:33
Yangiliklar

Futbol

Ashxobod-2017. Futzal bahslarida g'olib va sovrindorlar malum

Turkmaniston poytaxti Ashxobod shahri mezbonlik qilayotgan yopiq inshootlardagi Osiyo o'yinlari o'zining hal qiluvchi pallasiga kirdi.

Musobaqa dasturidan o'rin olgan ayollar jamoalari o'rtasidagi futzal bahslarida g'olib va sovrindorlar aniqlandi. Hal qiluvchi final uchrashuvida Tailand terma jamoasi yaponiyalik futzalchilarni 3:1 hisobida mag'lub etib, musobaqa g'olibiga aylandi.

Bronza medali uchun bahs esa Eron va Xitoy terma jamoalari o'rtasida kechdi. Uchrashuvda yaqqol ustunlikka erishgan eronlik futzalchilar 5:1 hisobida zafar quchib, bronza medali bilan taqdirlanishdi. Bugun erkaklar jamoalari o'rtasidagi finalda Eron va O'zbekiston terma jamoalari to'qnash kelishadi.