Ashxobod-2017. Medallarimiz soni 77 taga etdi, umumjamoa hisobida 3-o'rindamiz!

Musobaqaning kechagi kungi bahslaridan so'ng terma jamoamiz g'aznasidagi umumiy medallar soni 77 taga etdi. SHulardan 16 tasi oltin medallardir. Hisobimizda 19 ta kumush va 42 ta bronza medali ham bor. Umumjamoa hisobida uchinchi o'rinni egallab turibmiz.

Turkmaniston terma jamoasi 69 ta oltin, 51 ta kumush, 55 ta bronza jami 175 ta medal jamg'arib ulgurdi va mezbonlar yakka peshqadam. Ularga endi hech kim eta olmaydi. Eron terma jamoasi 66 ta medal bilan ikkinchi o'rinni band etgan. Ular hisobida 17 ta oltin, 14 ta kumush, 35 ta bronza medali bor. 

Umuman olganda, shu kungacha 34 ta davlat sport delegaciyalariga kamida bitta bronza medalani qo'lga kiritish nasib qildi. Yigirma beshta davlat delegaciyalari hisobida kamida bitta Osiyo o'yinlari chempioni bor.