Ashxobod. Sanjar Fayziev yarim finalga chiqdi

Turnirning birinchi raqamli tennischisi sifatida saralangan sportchimiz Sanjar Fayziev chorak finalda gonkonglik Xong Kit Vongga qarshi o'yin o'tkazdi. Oson bo'lmagan o'yinda tennischimiz 6:7, 6:4, 6:4 hisoblarida g'alaba qozondi va yarim final yo'llanmasini qo'lga kiritdi.

U finalga chiqish uchun endi hindistonlik yoki qozog'istonlik raqibga qarshi kortga chiqadi.

Eslatib o'tamiz, kecha boshqa bir tennischimiz Farrux Do'stov yarim finalda ishtirok etish huquqini qo'lga kiritgandi.