“Asian Fight - 2017”: Mahmud Murodov Toshkentda!

Unda 8 nafar hamyurtlarimiz jahonning ko'zga ko'ringan sportchilariga qarshi ringga chiqadilar. Jumladan, 86 kg vazndagi jangchimiz Mahmud Murodov ozarbayjonlik Magami Bayramov bilan bellashadi. Kecha Mahmud CHexiya davlatida o'tkazilgan bir oylik tayyorgarlikdan so'ng poytaxtimizga uchib keldi va shu kunning o'zidayoq “Asian Fight - 2017” axborot xizmatiga intervyu berdi. Bundan tashqari, Mahmud ishtirokida ko'rsatuv suratga olindi.

“Men ushbu turnirga jiddiy tayyorlandim. CHexiyada bir oy mobaynida mashg'ulotlarni o'tkazib, sport formamni ancha yaxshilab oldim va yakuniy tayyorgarlikni o'tash uchun Vatanimga qaytib keldi. Raqibim haqida barcha malumotlarga egaman. SHu bois bo'lsa kerak, bundan aslo sarosimaga tushayotganim yo'q. Albatta, bo'lajak jangda zafar quchaman. Ota-onam, xalqim va murabbiylarimning ishonchini oqlayman. Ularning duolari menga kuch bag'ishlaydi. Bizni qo'llab-quvvatlash uchun barchangizni “Bunyodkor”da kutamiz", - dedi Murodov.

Turnir oldidan Maxmud Murodovga faqat g'alaba yor bo'lishini tilab qolamiz. Bir necha kundan so'ng u bilan uyushtiriladigan suhbatni etiboringizga havola etamiz.

“Asian Fight - 2017” Axborot xizmati