24 apr 15:45
Yangiliklar

Futbol

Asilbek Aliev - FIFA etirofida!

Teglar : FIFA U 17 Osiyo kubogi Asilbek Aliev

FIFA rasmiy saytida U-17 Osiyo kubogida jamoasi safida yorqin o'yin namoyish etgan yosh futbolchilar qatori O'zbekiston terma jamoasi hujumchisi va turnirning eng yaxshi to'purari Asilbek Aliev ham etirof etildi.

“2025 yilgi Osiyo kubogi nafaqat mintaqaviy musobaqa, balki Osiyo futbolining kelajakdagi yulduzlarini kashf qilish uchun ajoyib maydon bo'lib xizmat qildi.

Yosh futbolchilar musobaqada o'z jamoalarining muvaffaqiyatli natijaga erishishi va FIFA U-17 Jahon chempionatiga yo'llanma olishi yo'lida o'zlarini barcha jihatdan namoyon eta oldilar.

Asilbek Aliev (O'zbekiston): Ushbu yosh iqtidor O'zbekistonning chempionlik yo'lida eng asosiy futbolchilardan biri bo'lib, hujum chizig'ini ishonch va sovuqqonlik bilan boshqardi. Musobaqaning dastlabki to'rt uchrashuvida u beshta gol urdi hamda ajoyib hujumchilik mahorati bilan ajralib turdi. Aliev yakunda musobaqa to'purari, shuningdek, Markaziy Osiyo futbolining eng yorqin kelajak yulduzi sifatida katta etirofga sazovor bo'ldi”, - deyiladi xabarda.