Aslamjon Ortiqov ONE FC'dagi beshinchi jangida ham g'alaba qozondi. U tashkilotchilar tomonidan pul mukofotiga ham ega bo'ldi

Musobaqa doirasida o'zbekistonlik muay-tay ustasi Aslamjon Ortiqov ham jang qildi. Unga tailandlik Yodtongtay So Sommay raqib bo'ldi. Jangda Ortiqov 3-raundda raqibini nokaut orqali mag'lubiyatga uchratdi.

Ahamiyatlisi, jang yakuniga etganidan so'ng, tashkilotchilar hamyurtimizni bonusga loyiq ko'rishdi. Aslamjon kafolatlangan gonoraridan tashqari 9 000 dollar mukofot puliga ham ega chiqdi.

Bu jang orqali Ortiqov faoliyati va qolaversa, ONE FC ligasidagi beshinchi jangida beshinchi g'alabasini nishonladi.