01 jan 13:23
Yangiliklar

Tennis

ATP Cup. "Yaralangan" Ispaniya g'alaba bilan boshladi

Avstraliyada terma jamoalar o'rtasidagi ATP Cup turniri start oldi.

Koronavirusga chalingan Rafael Nadal va Daniel Ximeno-Traversiz Yashil qitaga tashrif buyurgan Ispaniya terma jamoasi guruh bosqichining ilk uchrashuvida CHilidan 3:0 hisobida ustun keldi.

Birinchi uchrashuvda Pablo Karreno-Busta raqibi Alexandro Tabiloni mag'lubiyatga uchratdi - 6/4, 7/6(4).

Ispaniyaga ikkinchi ochkoni Roberto Bautista-Agut Kristian Garinni mag'lub etish orqali keltirdi - 6/0, 6/3.

Juftliklar bahsida Alexandro Davidovich Fokina va Pedro Martines tandemi Alexandro Tabilo hamda Marselo Barrios hamkorligini engdi - 7/6(3), 4/6, 10:7.