ATP reytingi. Fomin yaxshigina ko'tarildi, ikki tennischimiz mos ravishda 84 va 185 pog'onaga pastladi

Mamlakatimizning birinchi raketkasi Humoyun Sultonov 3 pog'ona pastlab, 221-o'rinni egallab turibdi. U shunga qaramay, o'z hisobiga ikki reyting ochkosini qo'shib oldi. Ikkinchi raketkamiz Sergey Fomin o'tgan haftadagi nisbatan muvaffaqiyatli ishtiroki sabab 4 ochko jamg'ardi hamda 21 pog'onaga ko'tarilib, 543-o'ringa joylashdi. Sergey bundan avvalgi elon qilingan reytingda ham 11 o'ringa yuqorilagandi. Maksim SHin 84, Amirbek Milushev 185, Rahimbek Ibrohimov 10 pog'onaga pastlagan. 

Dunyo tennischilarining Top-10`taligida ham o'zgarishlar kuzatildi. Indian-Uells "Masters" turniri chempioni britaniyalik Jek Dreyper 14-pog'onadan 7-o'ringa ko'tarilib oldi va Top-10`talikda debyut qildi. Finalda yutqazgan daniyalik Xolger Rune 14-pog'onadan 13-o'ringa ko'tarildi. Kasper Ruud, Daniil Medvedev va Andrey Rublyovning pasayganligi boisidan serbiyalik Novak Jokovich ikki pog'onaga yuqorilab, Top-5`ga kirib oldi.  

Italiyalik Yannik Sinner uch oyga katta tennisdan chetlatilganiga qaramay, hamon katta farq bilan reyting peshqadami bo'lib turibdi. Kuchli uchlikdan germaniyalik Aleksandr Zverev hamda Indian-Uells "Masters" turnirining o'tgan yilgi chempioni, bu yilgi musobaqada 1/2 finalgacha etib kelgan ispaniyalik Karlos Alkaraz joy olgan. 

ATP reytingi. 17 mart holatiga ko'ra Top-10:

1. (1) Yannik Sinner (Italiya) - 11330 ochko

2. (2) Aleksandr Zverev (Germaniya) - 7945

3. (3) Karlos Alkaraz (Ispaniya) - 6910

4. (4) Teylor Fritc (AQSH) - 4900

5. (7) Novak Jokovich (Serbiya) - 3860

6. (5) Kasper Ruud (Norvegiya) - 3855

7. (14) Jek Dreyper (Buyuk Britaniya) - 3800

8. (6) Daniil Medvedev (Rossiya) - 3680

9. (8) Andrey Rublyov (Rossiya) - 3440

10. (9) Stefanos Cicipas (Greciya) - 3405

11. (10) Aleks De Minaur (Avstraliya) - 3335

O'zbekistonlik tennischilarning ATR reytingidagi o'rni:

221 (218). Humoyun Sultonov - 256 

543. (564). Sergey Fomin - 68 

1261. (1177). Maksim SHin - 6 

1739T (1554T). Amir Milushev - 2 

2033T (2023T). Rahimbek Ibrohimov - 1