ATP reytingi. Ikkinchi raketka o'zgardi, Sultonov 16, Fomin 21 pog'onaga ko'tarildi

Ikki hafta davom etgan Mayami "Masters" turniri sabab 25 mart kuni reyting yangilanmagan edi. Bu hafta dunyo tennischilari kuchli o'ntaligida ikkita asosiy o'zgarish kuzatildi. Mayamida chempion bo'lgan italiyalik Yannik Sinner faoliyatida ilk bor dunyoning ikkinchi raketkasiga aylandi. Ispaniyalik Karlos Alkaraz esa aksincha uchinchi o'ringa pastladi. Vice-chempion Grigor Dimitrov 12-pog'onadan 9-o'ringa ko'tarilib oldi. Avstraliyalik Aleks De Minaur Top-10`ni tark etdi.

Mamlakatimizning birinchi raketkasi Humoyun Sultonov bundan avvalgi haftada CHandigarh turnirida chempion bo'lgandi. O'sha chempionlik 12 ochkosi qo'shilgani bois, hamyurtimiz 16 pog'ona yuqorilab, 315-o'rinni egallab turibdi. Ikkinchi raketkamiz Sergey Fomin 21 pog'onaga ko'tarilib, hozirda 653-o'rinni band etgan. Uning ochkolari 4 taga ko'paygan. Aksincha, Amir Milushuv 20, Maksim SHin 15, Denis Istomin esa 5 pog'onaga pastladi. 

ATP reytingi. 1 aprel holatiga ko'ra Top-10:

1. (1) Novak Jokovich (Serbiya) - 9725 ochko 

2. (3) Yannik Sinner (Italiya) - 8710 (+400 ochko)

3. (2) Karlos Alkaraz (Ispaniya) - 8645 (-160 ochko)

4. (4) Daniil Medvedev (Rossiya) - 7165 (-600 ochko)

5. (5) Aleksandr Zverev (Germaniya) - 5415 (+355 ochko)

6. (6) Andrey Rublyov (Rossiya) - 4890 (-80 ochko)

7. (7) Xolger Rune (Daniya) - 3795 (-80 ochko)

8. (8) Kasper Ruud (Norvegiya) - 3615 (+55 ochko)

9. (12) Grigor Dimitrov (Bolgariya) - 3540 (+605 ochko)

10. (9) Xubert Gurkach (Polsha) - 3425 (+55 ochko)

O'zbekistonlik tennischilarning ATR reytingidagi o'rni:

315 (331). Humoyun Sultonov - 169 (+12 ochko)

653. (674). Sergey Fomin - 50 (+4 ochko)

1297T. (1282T). Maksim SHin - 5 

1507T (1502T). Denis Istomin - 2

1638T (1618T). Amir Milushev - 2