ATP reytingi. Rim "Masters" chempioni endi 4-raketka, Sultonov 13 pog'onaga ko'tarildi

Rim "Masters" turniri chempioni Aleksandr Zverev bir pog'onaga yuqorilab, dunyoning to'rtinchi raketkasiga aylanib oldi. Germaniyalik tennischi Rim "Masters"ning o'tgan yilgi chempioni bilan o'rin almashdi. Stefanos Cicipas ikki hafta avvalgi o'rnidan bir pog'onaga pastlagan bo'lsa, Xubert Gurkach aksincha, bir o'ringa yuqoriladi. Yangilangan reytingda hamon Novak Jokovich peshqadamlik qilyapti. 

Mamlakatimizning birinchi raketkasi Humoyun Sultonov 13 pog'onaga yuqorilab, hozirda ATP reytingida 326-o'rinni egallab turibdi. Uning hisobiga 4 ochko qo'shildi. Ikkinchi raketkamiz Sergey Fomin aksincha 12 pog'onaga pastlab, 654-o'ringa joylashdi. Uchinchi raketkamiz Maksim SHin 6, Amir Milushev esa 9 pog'onaga pastlagan.    

ATP reytingi. 20 may holatiga ko'ra Top-10:

1. (1) Novak Jokovich (Serbiya)- 9860 ochko (-130)

2. (2) Yannik Sinner (Italiya) - 8770 (-90)

3. (3) Karlos Alkaraz (Ispaniya) - 7300 (-45)

4. (5) Aleksandr Zverev (Germaniya) - 6345 (+910)

5. (4) Daniil Medvedev (Rossiya) - 6295 (-900)

6. (6) Andrey Rublyov (Rossiya) - 4700 (-40)

7. (7) Kasper Ruud (Norvegiya) - 4185 (-350)

8. (9) Xubert Gurkach (Polsha) - 3885 (+155)

9. (8) Stefanos Cicipas (Greciya) - 3700 (-160)

10. (10) Grigor Dimitrov (Bolgariya) - 3615 (+10)...

O'zbekistonlik tennischilarning ATR reytingidagi o'rni:

326 (339). Humoyun Sultonov - 159 (+4 ochko)

654. (642). Sergey Fomin - 51 (-12)

1143. (1137T). Maksim SHin - 8 

1673T (1664T). Amir Milushev - 2