ATP reytingi. Sergey pastladi, Sultonovchi?

O'tgan hafta Avstraliya Ochiq chempionatining saralash bahslarida ishtirok etgan Humoyun Sultonov 1 pog'onaga pastlab, 216-o'rinni egallab turibdi. Mamlakatimizning birinchi raketkasi o'z faoliyatida ilk bor Australian Open turnirida qatnashib, saralashning 1/2 finalida jarohat sabab yutqazib qo'ygandi. Ikkinchi raketkamiz Sergey Fomin ham yangilangan reytingda uch pog'onaga pastladi. Maksim SHin o'z o'rnida o'zgarishsiz qoldi. To'rtinchi raqamli tennischimiz Amir Milushev 4, Rahimbek Ibrohimov esa 3 o'ringa yuqoriladi. 

Dunyo tennischilarining Top-10`taligida bitta o'zgarish kuzatildi. Avstraliyalik Aleks De Minaur va rossiyalik Andrey Rublyov o'zaro o'rin almashib olishdi. Oklend turnirida chempion bo'lgan franciyalik tajribali tennischi Gael Monfis Top-50`ga qaytdi. Oeyrash "CHellenjer"ida zafar quchgan Xamad Mejedovich Top-100`da debyut qildi. Yannik Sinner hamon juda katta farq bilan peshqadamlikni davom ettirmoqda. Kuchli uchlikdan germaniyalik Aleksandr Zverev va ispaniyalik Karlos Alkaraz joy olgan. 

ATP reytingi. 13 yanvar holatiga ko'ra Top-10:

1. (1) Yannik Sinner (Italiya) - 11830 ochko

2. (2) Aleksandr Zverev (Germaniya) - 7635

3. (3) Karlos Alkaraz (Ispaniya) - 7010

4. (4) Teylor Fritc (AQSH) - 5350

5. (5) Daniil Medvedev (Rossiya) - 5030

6. (6) Kasper Ruud (Norvegiya) - 4210

7. (7) Novak Jokovich (Serbiya) - 3900

8. (9) Aleks De Minaur (Avstraliya) - 3535

9. (8) Andrey Rublyov (Rossiya) - 3520

10. (10) Grigor Dimitrov (Bolgariya) - 3200...

O'zbekistonlik tennischilarning ATR reytingidagi o'rni:

216 (215). Humoyun Sultonov - 265 

577. (574). Sergey Fomin - 60 

1134. (1134). Maksim SHin - 9 

1539T (1543T). Amir Milushev - 3 

2014T (2017T). Rahimbek Ibrohimov - 1