ATP reytingi. Sultonov 104 pog'ona yuqoriladi, Istomin Top-1000`talikni tark etdi

Unga ko'ra, Top-10`talik reytingida hech qanday o'zgarish kuzatilmadi. Tennischilar o'tgan haftadagi o'z o'rinlarini saqlab qolishdi. Karlos Alkaraz hamon reyting peshqadami bo'lib turibdi. Novak Jokovich ikkinchi o'rinni band etgan bo'lsa, Daniil Medvedev kuchli uchlikka yakun yasagan. Gamburg turnirida chempion bo'lgan germaniyalik Aleksandr Zverev 16-o'ringa ko'tarilib oldi.

Mamlakatimizning birinchi raketkasi Humoyun Sultonov kecha Astanada yakunlangan "CHellenjer 50" toifasiga kiruvchi Prezident Kubogidagi muvaffaqiyatli ishtiroki sabab 104 pog'onaga yuqorilab, 446-o'ringa joylashdi. U Qozog'istondagi turnir vice-chempioni bo'lgandi. 

Aksincha, tajribali Denis Istomin 110 pog'onaga pastlab, Top-1000`talik reytingdan chiqib ketdi. U endi 1039-pog'onadan joy olgan. Butunjahon talabalarning Yozgi Universiadasida ishtirok etayotgan ikkinchi raketkamiz Sergey Fomin esa 3 pog'onaga pastlab, 669-o'ringa joylashdi. Yangilangan reytingda Sanjar Fayziev 21, Aziz Dadaboev va Rahimbek Ibrohimov 7, Amir Milushev 92 pog'ona quyiga sho'ng'idi. 

ATR reytingi. 31 iyul kungi holat. Top-10: 

1. (1) Karlos Alkaraz (Ispaniya) - 9225 ochko

2. (2) Novak Jokovich (Serbiya) - 8795 

3. (3) Daniil Medvedev (Rossiya) - 6520

4. (4) Kasper Ruud (Norvegiya) - 4985

5. (5) Stefanos Cicipas (Greciya) - 4850

6. (6) Xolger Rune (Daniya) - 4825

7. (7) Andrey Rublyov (Rossiya) - 4730

8. (8) Yannik Sinner (Italiya) - 3815

9. (9) Teylor Fritc (AQSH) - 3515

10. (10) Frensis Tiafo (AQSH) - 3085

O'zbekistonlik tennischilarning ATR reytingidagi o'rni:

446 (550). Humoyun Sultonov - 95

669 (666). Sergey Fomin - 43

1039 (929). Denis Istomin - 10

1371T (1374T). Maksim SHin - 4

1545T (1553T). Mustafo Do'stov - 2

1545T (1524T). Sanjar Fayziev - 2

1670T (1663T). Aziz Dadaboev - 1

1670T (1663T). Rahimbek Ibrohimov - 1

1855T (1763). Amir Milushev - 1.