ATP reytingi. TOP-10 o'zgarishsiz, Sultonov 5 o'rin ko'tarildi, Fomin 55 pog'onaga pastladi

Evropa shaharlarida o'tkazilgan bir nechta grunt qoplamali turnirlarning natijalari asosida yangilangan reytingda hamon Novak Jokovich peshqadamlik qilyapti. Tennischilarning kuchli o'ntaligida o'tgan hafta bilan taqqoslaganda hech qanday o'zgarish kuzatilmadi. Oltin to'p ustalari o'z o'rinlarini saqlab qolishdi.  

Mamlakatimizning birinchi raketkasi Humoyun Sultonov qo'lga kiritilgan 3 ochko hisobiga 5 pog'onaga yuqorilab, hozirda ATP reytingida 328-o'rinni egallab turibdi. Ikkinchi raketkamiz Sergey Fomin esa aksincha 55 pog'onaga pastlab, 697-o'ringa tushib ketdi. Kecha SHimkent turnirida chempion bo'lgan Fominning ochkolari keyingi hafta reytingida aks etadi va u tabiiyki, yaxshigina ko'tarilib oladi. 

ATP reytingi. 22 aprel holatiga ko'ra Top-10:

1. (1) Novak Jokovich (Serbiya)- 9990 ochko

2. (2) Yannik Sinner (Italiya) - 8660

3. (3) Karlos Alkaraz (Ispaniya) - 8145

4. (4) Daniil Medvedev (Rossiya) - 7085

5. (5) Aleksandr Zverev (Germaniya) - 5425

6. (6) Kasper Ruud (Norvegiya) - 4480

7. (7) Stefanos Cicipas (Greciya) - 4030

8. (8) Andrey Rublyov (Rossiya) - 3830

9. (9) Xubert Gurkach (Polsha) - 3675

10. (10) Grigor Dimitrov (Bolgariya) - 3640...

O'zbekistonlik tennischilarning ATR reytingidagi o'rni:

328 (333). Humoyun Sultonov - 159 (+3 ochko)

697. (642). Sergey Fomin - 43 (-8 ochko)

1365T. (1364T). Maksim SHin - 4 

1509T (1509T). Denis Istomin - 2

1638T (1638T). Amir Milushev - 2