ATP reytingi. Top-10`da 2 ta o'zgarish, Sultonov 24 pog'onaga pastladi, Fomin ko'tarildi

Bu hafta dunyo tennischilari kuchli o'ntaligida bir nechta o'zgarish kuzatildi. Top-7`talikdagi tennischilar o'z o'rinlarini saqab qolishdi. Eshtoril turnirida chempion bo'lgan polshalik Xubert Gurkach 10-pog'onadan 8-o'ringa ko'tarilib oldi. Norvegiyalik Kasper Ruud esa aksincha, 8-o'rindan 10-pog'onaga tushdi. O'ntalikdagi qolgan tennischilar o'tgan haftadagi o'z o'rinlarini saqlab qolishdi. Novak Jokovich hamon deyarli 1000 ochkolik farq bilan peshqadamlikni davom ettirmoqda.  

Mamlakatimizning birinchi raketkasi Humoyun Sultonov 16 ochko yo'qotdi va 315-o'rindan 339-pog'onaga tushib ketdi. Ikkinchi raketkamiz Sergey Fomin esa aksincha 4 o'ringa yuqoriladi. U o'tgan hafta ham 21 pog'onaga ko'tarilib olgandi. Amir Milushev o'z o'rnida qoldi. Maksim SHin 2, Denis Istomin esa 3 pog'onaga pastladi. 

ATP reytingi. 8 aprel holatiga ko'ra Top-10:

1. (1) Novak Jokovich (Serbiya) - 9725 ochko

2. (2) Yannik Sinner (Italiya) - 8710

3. (3) Karlos Alkaraz (Ispaniya) - 8645

4. (4) Daniil Medvedev (Rossiya) - 7165

5. (5) Aleksandr Zverev (Germaniya) - 5415

6. (6) Andrey Rublyov (Rossiya) - 4890

7. (7) Xolger Rune (Daniya) - 3795

8. (10) Xubert Gurkach (Polsha) - 3665

9. (9) Grigor Dimitrov (Bolgariya) - 3540

10. (8) Kasper Ruud (Norvegiya) - 3465...

O'zbekistonlik tennischilarning ATR reytingidagi o'rni:

339 (315). Humoyun Sultonov - 159 (-16 ochko)

649. (653). Sergey Fomin - 50 

1299T. (1297T). Maksim SHin - 5 

1510T (1507T). Denis Istomin - 2

1638T (1638T). Amir Milushev - 2