ATP reytingi. Top-10`da o'zgarishlar, bu hafta ham tennischilarimizning barida pasayish

Maysa qoplamali turnirlar natijasida reytingda ayrim o'zgarishlar sodir bo'ldi. Xertogenbos turniri chempioni Aleks De Minaur 9-pog'onadan 7-o'ringa ko'tarilib oldi. Bu bilan avstraliyalik tennischi ATP reytingidagi o'z rekordini yangiladi. SHtutgart turnirida chempion bo'lgan Jek Dreyper Top-30`ga yaqinlashib oldi. Finalchi Matteo Berrettini esa 30 pog'onaga ko'tarildi. Italiyalik Yannik Sinner dunyoning birinchi raketkasi sifatidagi o'rnini saqlab qoldi. 

O'tgan haftada bo'lgani singari yangilangan reytingda ham tennischilarimizning barida pastlash kuzatildi. Mamlakatimizning birinchi raketkasi Humoyun Sultonov 1 pog'onaga pastlab, hozirda ATP reytingida 331-o'rinni egallab turibdi. Ikkinchi raketkamiz Sergey Fomin 2, uchinchi raqamli tennischimiz Maksim SHin ham 2 pog'onaga pastladi. Amir Milushev 1684-pog'onadan joy olgan. 

ATP reytingi. 17 iyun holatiga ko'ra Top-10:

1. (1) Yannik Sinner (Italiya) - 9480 ochko

2. (2) Karlos Alkaraz (Ispaniya) - 8580

3. (3) Novak Jokovich (Serbiya)- 8360

4. (4) Aleksandr Zverev (Germaniya) - 6885

5. (5) Daniil Medvedev (Rossiya) - 6485

6. (6) Andrey Rublyov (Rossiya) - 4710

7. (9) Aleks De Minaur (Avstraliya) - 4085

8. (7) Kasper Ruud (Norvegiya) - 4025

9. (8) Xubert Gurkach (Polsha) - 3950

10. (10) Grigor Dimitrov (Bolgariya) - 3775...

O'zbekistonlik tennischilarning ATR reytingidagi o'rni:

331 (330). Humoyun Sultonov - 157 

634. (632). Sergey Fomin - 53 

1159. (1157). Maksim SHin - 8 

1684T (1683T). Amir Milushev - 2