11 noy 09:10
Yangiliklar

Tennis

ATP Yakuniy turniri. Daniil Medvedevda mag'lubiyat

Dunyoning to'rtinchi raketkasi Daniil Medvedev Turinda start olgan ATP Yakuniy turniridagi ishtirokini mag'lubiyat bilan boshlab oldi.

Rossiyalik tennischi guruhning ilk uchrashuvida ATP reytingida oltinchi o'rinni egallab turgan amerikalik Teylor Fritcga 4/6, 3/6 hisobida imkoniyatni boy berib qo'ydi. Teylor g'alabasi evaziga tennischilarning o'zaro uchrashuvlari hisobida ham muvozanatni tiklab qo'ydi - 1:1.

Sakson daqiqa davom etgan bahsda Medvedev 8, Fritc 9 ta eys zarbasini amalga oshirgan. Daniilga qo'shxatolari ham qimmatga tushdi. U to'pni o'yinga kiritishda 8 bor ochko yo'qotgan. Teylor bu borada xatoga yo'l qo'ymadi. Breyklar bo'yicha ustunlik amerikalik tennischi tomonida bo'ldi - 2 ga 0.