ATR reytingi. Alkaraz ilk bor jahonning 4-raketkasi, Istomin ham yuqoriladi

O'tgan hafta bilan taqqoslaganda reytingning Top-10 taligida bir nechta o'zgarish kuzatildi. Umagdagi turnir finalchisi, ispaniyalik Karlos Alkaraz greciyalik Stefanos Cicipas bilan o'rin almashib, ilk bor jahonning 4-raketkasiga aylandi. 

Serbiyalik Novak Jokovich 1 pog'ona yuqorilab, 6-o'ringa joylashgan bo'lsa, norvegiyalik Kasper Ruud aksinchai bir pog'ona pastladi. Reytingni hamon rossiyalik Daniil Medvedev boshqarib bormoqda. 

Mamlakatimizning birinchi raketkasi Sergey Fomin bu hafta reytingdagi o'z o'rnini saqlab qolgan bo'lsa, ikkinchi raketkamiz Humoyun Sultonov 2 pog'ona pastladi. Tajribali tennischimiz Denis Istomin yangilangan reytingda 11 o'rin yuqorilashga erishib, 427-pog'onaga joylashdi. 

ATP reytingi. 1 avgust holatiga ko'ra Top-10:

1. (1) Daniil Medvedev (Rossiya) - 7625 ochko
2. (2) Aleksandr Zverev (Germaniya) - 6850
3. (3) Rafael Nadal (Ispaniya) - 6165
4. (5) Karlos Alkaraz (Ispaniya) - 5035
5. (4) Stefanos Cicipas (Greciya) - 5000
6. (7) Novak Jokovich (Serbiya) - 4770
7. (6) Kasper Ruud (Norvegiya) - 4685
8. (8) Andrey Rublyov (Rossiya) - 3575
9. (9) Feliks Oje (Kanada) - 3445
10. (10) Yannik Sinner (Italiya) - 3395

O'zbekistonlik tennischilarning ATR reytingidagi o'rni:

348 (348). Sergey Fomin - 124

424 (422). Humoyun Sultonov - 94

427 (438). Denis Istomin - 93

765 (753). Sanjar Fayziev - 21

1157 (1177). Maksim SHin - 5

1612 (1480). Jo'rabek Karimov - 1

1612 (1480). Saidalo Saidkarimov - 1