24 jan 09:07
Yangiliklar

Tennis

Australian Open. Aralash juftlik bahslarida chempionlar aniqlandi

Melburn shahrida o'tkazilayotgan tennis bo'yicha "Katta Dubulg'a" turkumiga kiruvchi Avstraliya Ochiq chempionati o'zining hal qiluvchi pallasiga kirdi.

Musobaqaning mikst, yani aralash juftlik bahslarida chempionlar aniqlandi. Hal qiluvchi finalda avstraliyaliklar Oliviya Gadeki va Jon Pirs hamyurtlari Kimberli Birrell hamda Jon-Patrik Smit hamkorligini mag'lubiyatga uchratishdi - 3/6, 6/4, 10:6.

Aralash juftlikdagi Australian Open bosh sovrini Avstraliyada olib qolindi. Gadeki faoliyatida ilk bor "Katta Dubulg'a" turnirida sovrin qo'lga kiritdi. Pirs esa ikkinchi shunday tituliga ega chiqdi. U US Open-2022 turnirida ham chempion bo'lgandi. CHempionlar 175 000, vice-chempion Birrell va Smit esa 97 750 Avstraliya dollaridan mukofot puliga ega bo'lishdi.