Australian Open. Daniil Medvedev 19 yoshli tennischiga yutqazib qo'ydi

Dunyoning beshinchi raketkasi Daniil Medvedev Australian Open turnirining ikkinchi davrasidayoq o'z ishtirokini to'xtatdi. Rossiyalik tajribali tennischi ATP reytingida 121-pog'onada borayotgan amerikalik 19 yoshli Lyorner Tenga besh set natijasiga ko'ra imkoniyatni boy berib qo'ydi - 3/6, 6/7(4), 7/6(8), 6/1, 6/7(7:10).

Tennischilarning o'zaro ilk uchrashuvi 4 soatu 48 daqiqa davom etgan. Medvedev 20, Ten 7 ta eys zarbasini amalga oshirgan. Daniil 9, Lyorner 4 ta qo'shatoga yo'l qo'ygan. Breyklar bo'yicha ustunlik 10 ga 9 ko'rinishida Medvedev foydasiga hal bo'lsa-da, yakunda Ten g'alaba qozondi. 

Uchinchi setda rossiyalik tennischi matchboldan chiqib ketdi. Beshinchi setda esa o'zi matchboldan foydalana olmadi. Endi Lyorner Ten Australian Open uchinchi bosqichida Korenten Mutega qarshi kortga chiqadi. Franciyalik tennischi ikkinchi davrada amerikalik Mitchell Kryugerdan 4/6, 6/4, 7/6(3), 6/4 hisobida ustun keldi.