24 jan 07:43
Yangiliklar

Tennis

Australian Open. Dunyoning birinchi raketkasi 1/4 finalda

Bugun Melburn shahrida o'tkazilayotgan tennis bo'yicha "Katta Dubulg'a" turkumiga kiruvchi Avstraliya Ochiq chempionatining ikkinchi hafta bahslari boshlanadi.

Ayollar o'rtasidagi musobaqada dunyoning birinchi raqamli tennis malikasi Eshli Barti chorak final yo'llanmasini qo'lga kiritdi. Avstraliyalik tennischi to'rtinchi davra uchrashuvida WTA reytingida 60-pog'onadan joy olgan amerikalik Amanda Anisimovadan ustun keldi - 6/4, 6/3.

Etmish olti daqiqa davom etgan bahsda Eshli 6 ta, Amanda esa 4 ta eys zarbasini ijro etdi. Tennischilarning o'zaro uchrashuvlaridagi hisob o'zgardi - 2:0. Endi Yashil qita vakilasi yarim final chiptasi uchun yana bir AQSH tennischisi Jessika Pegulaga qarshi kortga chiqadi.