Australian Open. Istomin - Edmund. PREVYU

15 yanvar kuni start olgan "Ulkan toj"ning erkaklar o'rtasidagi turnirida mukofot jamg'armasi 25 096 000 Avstraliya dollari hisoblanadi.

Tennischimiz musobaqaning ilk davrasida franciyalik Per-Yug Erberga qarshi kortga chiqdi va 6:2, 6:1, 5:7, 7:6 hisoblarida g'alaba qozonib, ikkinchi bosqich ishtirokchisiga aylandi.



Hamyurtimizga ikkinchi davrada britaniyalik Kayl Edmund to'qnash keladi. Malumot uchun tennischilar bungacha o'zaro to'qnash kelmaganlar. Istomin dunyo reytingida 60, Edmund esa 49-pog'onani egallab turibdi.

Britaniyalik tennischi ilk davrada dunyoning 12-raqamli tennischisi hisoblangan JAR vakili Kevin Andersonni 6:7, 6:3, 3:6, 6:3, 6:4 hisoblarida mag'lubiyatga uchratgan.

Istomin so'nggi 10ta o'yinidan 5tasida g'alaba qozongan. Edmundda esa ushbu ko'rsatkich 7tani tashkil qiladi.



Hamyurtimiz faoliyati davomida 213ta o'yinda g'alaba qozonib, 228ta bahsda imkoniyatni boy bergan. Britaniyalik tennischi esa 55ta o'yinda g'olib bo'lgan va 64ta bahsda yutqazgan.

Avstraliya ochiq chempionatida ikkinchi davra ishtirokchilari 45 reyting ochkosi va 80 ming Avstraliya dollarini naqd qilib oladilar.

Ushbu o'yin ertaga Toshkent vaqti bilan soat 05:00da boshlanadi.