Australian Open. Kerber yarim final ishtirokchisiga aylandi

Xotin-qiz tennischilar o'rtasidagi yakkalik bahslarida ham yarim final ishtirokchilari malum bo'lmoqda. Dunyoning sobiq birinchi raketkasi, ayni paytda reytingda 16-o'rinni egallab turgan Anjelik Kerber chorak finalda amerikalik Medison Kizga hech qanday imkoniyat qoldirmadi.

Ellik bir daqiqa davom etgan uchrashuvda Kerber dunyoning 20-raketkasidan 6:1, 6:2 hisobida ustun keldi. Endi germaniyalik tennischi yarim finalda hozir davom etayotgan Simona Xalep va Karolina Plishkova uchrashuvi g'olibasi bilan to'qnash keladi.