23 jan 12:51
Yangiliklar

Tennis

Australian Open. Rafael Nadal nimchorak finalda kortga chiqdi

SHu kunlarda dunyo tennis jamoatchiligining diqqat etibori Melburn shahriga qaratilgan.

"Katta Dubulg'a" turkumiga kiruvchi Avstraliya Ochiq chempionatida chorak final ishtirokchilari malum bo'lmoqda. Dunyoning beshinchi raketkasi Rafael Nadal musobaqaning to'rtinchi davra uchrashuvini o'tkazdi.

Ispaniyalik tennis afsonasi ATP reytingida 69-o'rinni egallab turgan franciyalik Adrian Mannarinoni uch set natijasiga ko'ra mag'lubiyatga uchratdi - 7/6(14), 6/2, 6/2.

Ikki soatu 40 daqiqa davom etgan bahsda Rafa 16 ta, Adrian esa 6 ta eys zarbasini ijro etgan. Tennischilarning o'zaro uchrashuvlarida 35 yoshli Nadal oldinda bormoqda - 3:0.